شعر حسني مبارك – إهداء إلى شعب مصر

يا شعبي ياروحي ياحبيبي ياحاطك في جيبي يا ابن الحلال

يا شعبي يا شاطر يا جابر خواطر يا ساكن مقابر وصابر وعال

يا واكل سمومك يا بايع هدومك يا حامل همومك وشايل جبال

يا شعبي اللي نايم وسارح وهايم وفي الفقر عايم وحاله ده حال

أحبك محشش مفرفش مطنش ودايخ مدروخ وآخر انسطال

أحبك مكبر دماغك مخدر ممشي أمورك كده باتكال

وأحب اللي ينصب وأحب اللي يكدب وأحب اللي ينهب ويسرق تلال

وأحب اللي شايف وعارف وخايف وبالع لسانه وكاتم مقاااال

وأحب اللي قافل عيونه المغفل وأحب البهايم وأحب البغال

وأحب اللي راضي وأحب اللي فاضي وأحب اللي عايز يربي العيال

وأحب اللي يائس وأحب اللي بائس وأحب اللي محبط وشايف محال

وأحبك تسافر وتبعد تهاجر وتبعت فلوسك دولار او ريال

وأحبك تطبل تهلل تهبل عشان متش كورة وموفي خيال

وأحبك تأيد تعضض تمجد توافق تنافق وتلحس نعال

تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغللي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك بتكسب رجال

ساعتها هجيبك لا يمكن أسيبك وراح تبقى عبرة وتصبح مثال

حبهدل جنابك وأذل اللي جابك وهيكون عذابك ده فوق الاحتمال

وامرمط سعادتك واهزأ سيادتك واخلي كرامتك في حالة هزال

وتلبس قضية وتصبح رزية وباقي حياتك تعيش في انعزال

حتقبل ….. حدبك   حترفض  …..  حلبك    حتطلع حتنزل حجيبلك "جمال"!

Advertisements

About أحمد مصطفى السيد

مهندس برمجيات
This entry was posted in سياسة. Bookmark the permalink.

3 Responses to شعر حسني مبارك – إهداء إلى شعب مصر

  1. Amir says:

    allah yer7amak ya ahmed ya mostafa..kont ragel tayeb

  2. Ahmed says:

    جميلة جدا ده واقعنا المر ربنا يصبرنا على الابتلاءات وعمار يا مصر ويحيا الفول المدمس ….!!!!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s